घान्द्रुकमा ल्होछार पुजा
पाेखरा | पुस १२, २०८०
पोखरा: कास्कीको अन्नपूर्ण गाउँपालिका १०/११ घान्द्रुकमा गुरुङ जातिको मौलिक चाड ल्होछार पर्वको अवसरमा आयोजित ल्होछार पुजा आजबाट सुरु भएको छ ।
२६ औं ल्होछार पर्वको अवसरमा ङग्युर दोर्जे साङाग छयोएलिङ्ग गुम्बामा ल्होछार पर्वको अवसरमा पुजासँगै सांस्कृतिक कार्यक्रम सुरु भएको हो । ल्होछार पुजा पुष १५ गतेसम्म सञ्चालन हुनेछ ।
२६ औं ल्होछार पर्वको अवसरमा विरालो वर्गको विदाई र गिद्ध वर्गको आमगनको अवसरमा घान्द्रुकमा पुस ११ देखि १५ गतेसम्म ल्होछार पर्व मनाउन लागेको लामा अमृत फाउण्डेशन घान्द्रुकका संस्थापक अमृत गुरुङले जानकारी दिए ।
बुधबार धर्म गुरुहरुको आगमनसहित जगे (किलखोर) स्थापना गरिएको छ । यस्तै आजदेखि १४ गतेसम्म ह्युमपत पुस्तक पाठन वाचनसँगै बिहान र साँझ साङ र डोल्मा पुजा हुने गुरुङले बताए ।
यस्तै १४ गते तोनाम घोसुस (ग्रह) शान्ति पुजा, १५ गते पितृ पुजा, बिहान १०देखि १२ बजेसम्म कङग्युर (त्रिपिटक) ह्युम पुस्तकसहित गाउँ परिक्रमा र १ बजेदेखि गुरु ढकर रिन्पोछे बाहुल्यबाट आयु छेवाङ (अभिषेक) दिने कार्यक्रम रहेको छ ।
२६ औं ल्होछार पर्वको अवसरमा विरालो वर्गको विदाई र गिद्ध वर्गको आमगनको अवसरमा घान्द्रुक गुम्बा परिसरमा ल्होछारको सुभकामना आदानप्रदान तथा सांस्कृतिक कार्यक्रम आयोजना गरिएको गुरुङले बताए ।
काठमाडौं: प्रधानमन्त्री तथा मन्त्रिपरिषद्को कार्यालयले नागरिकका गुनासो सुनुवाइलाई छिटो, छरितो, पारदर्शी र प्रभावकारी बनाउन ‘हेलो सरकार’ लाई स्तरोन्नति गरी नागरिक गुनासो तथा एकीकृत सेव...
चितवन: जिल्लाका विभिन्न स्थानबाट ५७ जनालाई जुवाको खालबाट नियन्त्रणमा लिइएको छ । चालु आर्थिक वर्ष सुरु भएसँगै उनीहरूलाई नियन्त्रणमा लिइएको हो । उनीहरूबाट रु आठ लाख ३८ हजार ६४५ नगदसमेत बरामद ...
काठमाडौं: नेपाल राष्ट्र बैंकले बैंक तथा वित्तीय संस्थाबाट रु ८५ अर्ब बराबरको तीनमहिने निक्षेप सङ्कलन गर्ने भएको छ । राष्ट्र बैंकको मौद्रिक व्यवस्थापन विभागले आज जारी गरेको सूचनाअनुसार उक्त निक्षेप सङ्क...
