पोखरामा बिहीबारदेखि नवौं प्रधानमन्त्री एनभिए भलिबल लिग

पाेखरा | जेठ ६, २०८२

पोखरामा बिहीबारदेखि नवौं प्रधानमन्त्री एनभिए भलिबल लिग Photo Sudarshan Ranjeet

पोखरा:   पोखरामा यही जेठ ८ देखि १५ गतेसम्म नवौें प्रधानमन्त्री कप– एनभिए महिला तथा पुरुष भलिबल लिगको तयारी अन्तिम चरणमा पुगेको छ । 


नेपाल भलिबल संघले आज पोखरामा पत्रकार सम्मेलन गर्दै नवौें प्रधानमन्त्री कप– एनभिए महिला तथा पुरुष भलिबल लिगको तयारी अन्तिम चरणमा पुगेको जानकारी दिएको हो । 


नेपाल भलिबल संघका अध्यक्ष जितेन्द्र बहादुर चन्दले काठमाडौं हुँदै आएको प्रतियोगिता यसपटक पोखरामा हुन लागेको बताए । 


‘काठमाडौंमा हुँदै आएको प्रतियोगिता यसपटक पोखरा रंगशालाको मल्टिपर्पोज कभर्डहलमा सञ्चालन गर्दै छौं, यो पोखराको लागि अवसर पनि हो’, अध्यक्ष चन्दले भने, ‘जेठ ८ देखि १५ गतेसम्म सञ्चालन हुने प्रतियोगितामा पुरुषतर्फ तीन विभागीयसहित ८ र महिलातर्फ तीन विभागीयसहित ६टिमको सहभागिता रहनेछ ।’


उनका अनुसार पुरुषतर्फ तीन विभागीय त्रिभुवन आर्मी क्लब, नेपाल पुलिस क्लब, नेपाल एपिएफ क्लब, गण्डकी, सुदूरपश्चिम कोशी र मणिमुकुन्द भलिबल क्लब र महिलातर्फ तीन विभागीय त्रिभुवन आर्मी क्लब, नेपाल पुलिस क्लब, नेपाल एपिएफ क्लब, न्यू डायमण्ड, एभरेष्ट, कर्णाली प्रदेशले सहभागिता जनाउनेछन् । 


प्रतियोगितामा प्रत्येक टिमले तीनजना विदेशी खेलाडी समावेश गर्न पाउनेछन् । महिला तथा पुरुष दुवैतर्फका विजेताले आठ लाख, उपविजेताले चार लाख र तेस्रो हुने टिमले दुई लाख रुपैयाँ पुरस्कार प्राप्त गर्नेछन् ।


त्यस्तै, सर्वोत्कृष्ट खेलाडीले ५० हजार रुपैयाँ प्राप्त गर्नेछन् भने उत्कृष्ट लिबेरो, सर्भर, ब्लकर, लिफ्टर, स्पाइकर र प्रशिक्षकहरूले जनही २५ हजार रुपैयाँ पुरस्कार पाउने छन् ।


प्रतियोगितामा पोखराबाहिरबाट सहभागी हुने टिमहरूलाई खेल अवधिभर प्रतिखेलाडी १२ सय रुपैयाँ दरले रकम उपलब्ध गराइने छ । खेलाडीहरूका लागि दुर्घटना बिमाको समेत व्यवस्था गरिएको संघका अध्यक्ष जितेन्द्रबहादुर चन्दले बताए । 


प्रतियोगिता सम्पन्न गर्न झन्डै ९० लाख रुपैयाँ खर्च हुने अनुमान गरिएको छ, जसमा पुरस्कार रकम मात्रै ३२ लाख रुपैयाँ हुनेछ । यस प्रतियोगिताको विजेता टोली काभा भलिबल च्याम्पियनसिपमा सहभागी हुनेछन् । 

पोखरा:   पोखरामा जेसी नीति र महिला अधिकार सम्बन्धी अभिमुखीकरण तथा तीज विशेष कार्यक्रम भएको छ।सञ्चारिका समूह गण्डकीको आयोजनामा र असल छिमेकी सहयोग सङ्घ गोनेसाको सहयोगमा बुधबार कार्यक्रम भएको हो। गण्ड...

थप पढ्नुहोस्

पोखरा:   पर्यटन व्यवसायी महिला संघ नेपाल (टेवान) ले यही भदौ १० र ११ गते पोखराको लेकसाइडस्थित बाराहीघाटमा ‘तेस्रो तीज सांस्कृतिक महोत्सव–२०८२’ आयोजना गर्ने भएको छ ।  हरिताल...

थप पढ्नुहोस्

पोखरा:   उच्च हिमाली क्षेत्रहरुमा घुमघामका लागि पुग्ने पर्यटकहरुलाई खासगरी लेक लाग्ने समस्याबाट कसरी सुरक्षा प्रदान गर्न सकिन्छ भन्ने विषयमा बुधबार पोखरामा छलफल गरिएको छ । पदयात्रा र धार्मिक हिसावले हि...

थप पढ्नुहोस्