कालीगण्डकी स्याङ्जा–पोखरा सम्पर्क समाजको पुर्नमिलन कार्यक्रम
पाेखरा | भदौ १६, २०८१
पोखरा: कालीगण्डकी स्याङ्जा–पोखरा सम्पर्क समाजले हरितालिका तीज विशेष कार्यक्रम सम्पन्न गरेको छ ।
‘अनेकतामा एकता, स्याङ्जालीको विशेषता’ भन्ने नारासहित २०७६ सालदेखि क्रियाशिल समाजले दर खाने तथा पुर्नमिलन कार्यक्रमको सम्पन्न गरेको हो ।
उक्त कार्यक्रम तमु धिं नेपालमा आयोजना गरिएको सहसंयोजक राजन पाण्डेले जानकारी दिए ।
उनका अनुसार सो समाजमा स्याङ्जाको कालीगण्डकी गाउँपालिका स्थायी घर भई हाल पोखरामा रही विभिन्न पेशा व्यवसाय गर्ने व्यक्तिहरु समाजमा आबद्ध छन् ।
कार्यक्रम संयोजक टिका बहादुर झेडीले एकताको सुत्रमा गोलबन्द हुने लक्ष्यसहित सुरु भएको सो समाजले आफ्ना सदस्यहरुलाई समस्या पर्दा सहयोग गर्दै आएको बताए ।
‘हामीले यसरी नेपालीहरुको पर्वलाई विशेष कार्यक्रम गरी मनाउँदै आएका छौ, उनले भने, ‘यसले हामीलाई एकताको सुत्रमा बाँध्न सघाउ पुर्याएको छ ।’
नारीहरुको विशेष पर्व तीजलाई विशेष बनाउनका लागि समाजमा आवद्ध चेलीबेटीहरुलाई दर खुवाउने कार्यक्रम आयोजना गरिएको झेडीले बताए ।
समाजका अध्यक्ष जीवलाल न्यौपानकोको सभापतित्वमा सम्पन्न सो कार्यक्रममा करिब १ सय ५० जनाको सहभागिता रहेको थियो ।
कालीगण्डकी स्याङ्जा–पोखरा सम्पर्क समाज सामाजिक क्षेत्रमासमेत क्रियाशिल रहेको छ ।
म्याग्दी: कालीगण्डकी नदी आसपासको उच्च पहाडी क्षेत्रमा दुर्लभ पन्छी चिरकालिजको सङ्ख्या बढेको छ । नेपाल पन्छीविद् सङ्घले गरेको अध्ययनअनुुसार १६ वर्षअघिको तुलनामा यस वर्ष चिरकालिजको सङ्ख्या बढेको हो । ...
काठमाडौं: स्थानीय बजारमा सुनचाँदीको मूल्य केही घटेको छ । सुन प्रतितोला रु एक हजार ४०० र चाँदी प्रतितोला रु ४५ ले घटेको हो । नेपाल सुनचाँदी व्यवसायी महासङ्घका अनुसार आज सुन प्रतितोला रु दुई लाख ...
म्याग्दी: म्याग्दीको अन्नपूर्ण गाउँपालिका–४ मा पर्ने नारच्याङ भएर बग्ने नदीमा १६२ मेगावाट क्षमताका पाँच वटा जलविद्युत् आयोजना निर्माण भएका छन् । थप ६३ दशमलव तीन मेगावाट क्षमताको एउटा आयोजना निर्माणाधीन...
