पोखरामा शुक्रबारदेखि रोटरीको १८ औं डिस्ट्रिक्ट कन्फरेन्स, १५ सय रोटरियन सहभागी हुने
पाेखरा | बैशाख ३, २०८३
पर्यटकीय नगरी पोखरामा हुने रोटरी इन्टरनेशनल डिस्ट्रिक्ट ३२९२ को १८ औं डिस्ट्रिक्ट कन्फरेन्सको तयारी पूरा भएको छ ।
वैशाख ४ देखि ६ गतेसम्म सञ्चालन हुने सम्मेलनको सम्पूर्ण तयारी अन्तिम चरणमा पुगेको आज आयोजित पत्रकार सम्मेलनमार्फत जानकारी दिइएको हो ।
नयाँ वर्ष २०८२ को सुरुवातसँगै आयोजना हुन लागेको यस तीन दिने सम्मेलनमा नेपाल र भुटानका गरी करिब १ हजार ५ सय रोटरियनहरूको सहभागिता रहने कन्फेरेन्स सेक्रेटरी बाबुराम बरालले जानकारी दिए ।
उनका अनुसार ‘सेवा नै धर्म हो’ भन्ने मूल नाराका साथ स्थापित रोटरीले यस सम्मेलनमार्फत रोटरीका सातवटा मुख्य सेवाका क्षेत्रहरूमा गहन छलफल हुनेछ ।
सम्मेलनको पहिलो दिन उद्घाटन सत्रसँगै विभिन्न सामाजिक र व्यावसायिक क्षेत्रमा उत्कृष्ट योगदान पु¥याउने व्यक्तित्वहरूलाई ‘भोकेसनल अवार्ड’ बाट सम्मानित गरिने कार्यक्रम छ ।
त्यस्तै, सम्मेलनको अन्तिम दिन रोटरी वर्ष २०२८–२९ का लागि डिस्ट्रिक्ट गभर्नरको निर्वाचनसमेत गरिने कन्फेरेन्स सेक्रेटरी बरालले बताए ।
कार्यक्रममा विभिन्न विषयमा प्यानल डिस्कसन तथा रोटरीका आगामी कार्ययोजनाबारे समूहगत छलफल हुनेछ ।
सम्मेलनलाई भव्य रूपमा सम्पन्न गर्न लक्ष्मी थापा गिरीको संयोजकत्वमा मूल समारोह समिति र विभिन्न २० वटा उप–समितिहरू ६ महिनादेखि क्रियाशील छन् ।
पर्यटनको सिजन र नयाँ वर्षको अवसरमा आयोजना हुने यस ठूलो कार्यक्रमले पोखराको आन्तरिक तथा बाह्य पर्यटन प्रवद्र्धनमा समेत ठूलो टेवा पुग्ने अपेक्षा गरिएको छ ।
सन् १९०५ मा अमेरिकाको सिकागोबाट सुरु भएको रोटरी अभियान हाल विश्वका २०० भन्दा बढी देशमा फैलिएको छ । नेपालमा सन् १९५९ मा काठमाडौंबाट सुरु भएको यो अभियान हाल देशैभर १५० भन्दा बढी रोटरी क्लब र ५ हजार ४ सयभन्दा बढी सदस्यहरू सक्रिय छन् ।
कास्की — पोखरा लोकदोहोरी रेस्टुरेन्ट व्यवसायी संघ कास्कीको नेतृत्वमा तेस्रो पटक जिवन गुरुङ निर्वाचित भएका छन् । पोखरामा आज (आइतबार) भएको चौथो अधिवेशनबाट २ वर्षे कार्यकालका लागि जीवन गुरुङको...
खाद्य प्रविधि तथा गुण नियन्त्रण कार्यालय, पोखराले चालु आर्थिक वर्ष २०८२/८३ को तेस्रो त्रैमाससम्म विभिन्न ७ मुद्दा दायर गरेको छ । अनुगमन एवं निरीक्षणका क्रममा विभिन्न खाद्य उद्योगहरुले न्यूनस्तर खाद्य पदार्...
रुकुम पश्चिम/पूर्वी रुकुम — पृथ्वी होटल व्यवसायी समिति पोखराले सञ्चालन गर्दै आएको “पोखरा जाऔं, प्रकृतिसँग रमाऔं” अभियान अन्तर्गत आज रुकुम पश्चिमको मुसिकोट र पूर्वी रुकुमको रुकुमकोटमा पर्...
