पोखरामा बालिकालाई यौनकार्यमा लगाएको आरोपमा तीन युवती पक्राउ
पाेखरा | मंसिर ७, २०८१
पोखरा: पोखरामा ४ बालिकाहरुलाई जबरजस्ती यौन क्रियाकलापमा लगाएको आरोपमा प्रहरीले तीन युवतीलाई पक्राउ गरेको छ ।
लेकसाईडस्थित स्नोल्याण्ड होटलले सञ्चालन गरेको भिषा युथ होस्टेल प्राइभेट लिमिटेडको कोठामा राखी बालिकाहरुलाई जबरजस्ती यौन क्रियाकलाप लगाएको आरोपमा प्रहरीले गएराति तीन युवतीलाई पक्राउ गरेको हो ।
बालिकाहरुलाई ललाइफकाई आर्थिक प्रलोभनमा पारेर यौन व्यवसायमा लगाएको पाइएको जिल्ला प्रहरी कार्यालय कास्कीका सूचना अधिकारी बसन्तकुमार शर्माले जानकारी दिए ।
उनीहरुले बालिकाहरुलाई ललाईफकाई राम्रो होटलमा काम लगाईदिन्छु, तलव राम्रो हुन्छ, खानाबस्नको सुविधा छ भनेर विश्वासमा पारी कोठा बाहिर समेत जान नदिएर यौनकार्यमा लगाएको पाइएको उनले बताए ।
प्रहरीले बालिकाहरुलाई यौनकार्यमा लगाएको आरोपमा गोरखाको पालुङटार गाउँपालिका–४ घर भई पोखरा–६लेकसाइडस्थित होटल स्नोल्याण्ड डेरा गरी बस्ने १९ वर्षीय ममता तामाङ, मकवानपुर बाग्मती गाउँपालिका–८ घर भई काठमाडौं बुढानिलकण्ड नगरपालिका–७ बस्ने २३ वर्षीय रिना तामाङ र नवलपरासी मध्यविन्दु नगरपालिका १० घर भई पोखरा–६ लेकसाइड बस्ने अन्दाजी १९ वर्षीय जस्मिन ठकुरीलाई पक्राउ गरेको हो ।
पक्राउ परेका उनीहरुलाई जिल्ला अदालत कास्कीबाट मानव बेचबिखन तथा ओसारपसार मुद्धामा ५ दिनको म्याद थप गरेर अनुसन्धान अगाडि बढाएको कास्की प्रहरीले जनाएको छ ।
पोखरा: पोखरामा जारी नवौं पिभिटिसी क्लबस्तरीय महिला तथा पुरुष भलिबल प्रतियोगिताको पुरुषतर्फ भएको लिगचरणको ७ खेल सम्पन्न हुँदा सेमिफाइनलमा प्रवेश गर्ने तीन टोलीको टुङ्गो लागेको छ । ७ समूहको ...
पोखरा: एडुब्रिज कन्सल्टेन्सीले स्थापनाको २५ औं वर्षको अवसर पारेर पोखरा महानगरपालिका–१७ विरौटामा नयाँ शाखा सञ्चालनमा ल्याएको छ । काठमाडौंमा प्रधान कार्यालय रहेको एडुब्रिजले पोखराको विरौट...
म्याग्दी: बेनी–पाखापानी सडकअन्तर्गत किराखोर–नेप्टेचौर खण्डमा कालोपत्र गर्न थालिएको छ । बेनी नगरपालिका–९ किराखोरदेखि नेप्टेचौरस्थित वडा कार्यालयसम्मको दुई किलोमिटर सडक ‘प्रिमिक्...
